道具鈔案 有電影業人士擬發起遊行聲援被告

湯質疑「全行也不知」要申請說法

「道具全」被定罪的事件昨日繼續發酵，其中湯家驊在電台節目和Facebook留言，批評香港現在有種自我文化，「自己做的事最大、最重要、最有凌駕性，不要跟我說甚麼社會責任、整體利益、便是法律也要靠邊站。」湯更質疑電影業界「全行也不知」製造鈔票道具要申請之說法。他又認為，拍電影可以不須用實物，改用電子科技解決，更以《星球大戰》為例，該片也不是在太空拍攝！

方平反擊稱 「只想尋求清晰指引」

湯家驊言論昨旋即被多個由電影人開設的社交群組轉發，業內人紛紛大罵「關佢叉事」、「掟舊屎畀佢」。資深電影人方平亦直斥其非：「佢咁講都自打嘴巴啦，《星球大戰》無錯係唔使上星球拍，係要造假先完成到套戲，咁我哋都只要求做假銀紙啫，造假都唔得？如果照佢咁講，以後啲賭場戲唔使拍啦。講到拍燒銀紙戲，又叫啲演員真燒銀紙呀？一樣犯法喎！我哋業界都只想尋求政府清晰指引及日後簡化申請程序啫。」

演員黃秋生亦在社交網站留言揶揄湯家驊：「道具鈔係用科技做出嚟嘅，唔係種出嚟或者動物繁殖出嚟嘅。道具鈔亦唔係銀行印出嚟，咪一樣咁似。（市面）有假一千蚊唔去解釋，搞啲道具鈔。大家諗吓，自從上次出現假一千蚊，好多商舖唔收一千蚊，大家幾耐冇用過一千蚊？我知啦，拉唔到真印假銀紙嗰啲，於是拉個假印真銀紙嗰個。」杜汶澤更以「走狗」來形容湯家驊。

亦有業界促先解決當前法例問題

香港電影工作者總會副會長田啟文認為很多人都誤解電影係大晒嘅：「從來拍戲嘅人，無話拍戲係大晒嘅，每位電影工作者都希望守法。」另外，有業界幕後人員昨在社交群組中擬發起遊行聲援「道具全」，但亦有不少業內人覺得此舉是衝動行為，覺得法律必須遵守，只希望向政府反映如何簡化處理道具偽鈔程序，其中田啟文說：「現階段應針對解決當前法例對業界創作帶來的傷害為先。」