康體設施嘅場地「炒場」情況好嚴重，康樂及文化事務署尋日就推出兩招，康樂場地唔可以代訂，以防「排隊黨」濫用，而草地足球場亦會以抽籤方式預訂同分配草地足球場段節，剩餘段節才會以先到先得方式畀市民預訂。話時話，康文署之前出招打擊「炒場」都係冇效，否則署長李美嫦使乜又再出新招補鑊吖！之但係隨即有市民覺得呢啲招數冇效，咁究竟要補幾多次鑊先搞得掂呢？
