家明與國強是一起參與建造隧道工程十多年的工友，有日在放工路上，家明遇見坐在樓梯休息的國強，發現他上氣不接下氣。
家明馬上扶起國強並說：「哇！發生乜事？點解你坐喺樓梯上一臉倦容？」
國強氣喘地回答：「醫生早前證實我患上肺塵埃沉着病，搞到我嘅肺功能日漸衰退，剛剛上咗一陣樓梯就覺得呼吸困難。」
家明緊張地問道：「你一向都體魄強健，只要多啲休息，相信好快就會治愈。」
國強臉上一副內疚的樣子回答：「唉！你有所不知。雖然現今科技昌明，但呢個病係不治之症，根本無藥可醫。我依家可以做嘅，只有阻止病情惡化，我嘅肺功能會日漸衰退，病情嚴重時，更會呼吸困難，需要儀器協助呼吸。」
國強接着苦口婆心的勸告：「肺塵埃沉着病嘅成因係患者長時間吸入大量矽塵或者石棉塵微粒，之後永久沉積喺肺部，引起肺部組織纖維化及使患者嘅肺功能日漸衰退。所以，你記得工作時要使用合適嘅防護裝備。」
家明繼問：「咁除咗使用個人防護裝備，有無其他好方法避免患上呢個病？」
國強回答：「當然有啦！首選方法當然係從源頭控制，使用產塵量較少嘅工具。另外，要定期喺工地灑水同安裝有效抽風除塵設備，呢啲都係主動嘅減塵措施。」
家明說：「咁我聽日早啲返到工地，同經理商討吓工地嘅減塵措施係咪足夠。」
國強提醒：「仲有啊，吸煙會使病情惡化，你都係同我一齊，及早戒煙啦！」
職業安全健康局
www.oshc.org.hk