【本報訊】屯門醫院變「蒸爐」，訪客分分鐘無病焗到有病。醫管局總感染控制主任曾艾壯表示，公立醫院的病房有既定指引要將室溫維持在攝氏廿五度，惟其他範圍如走廊及大堂等人多地方，由於難製冷，故未有溫度指引。傳染病專家指醫院環境細菌多，高溫再加空氣不流通會加速細菌孳長，亦增加經空氣或飛沫傳播病菌的風險。他直言：「即使呢啲地方冇（溫度）指引，但都唔應該熱到人唔舒服。」
屯門醫院過去幾日充斥一股「翳焗」的高溫，不少探病家屬表示熱到想暈低。曾艾壯指出，雖然一些高傳染病的患者已遭隔離在負氣壓病房，有抗藥性細菌感染的病人亦會高度消毒，但悶焗情況亦會令到一般的環境細菌加快繁殖，一些本身經空氣或飛沫散播的疾病，例如流感、麻疹、水痘或肺炎，亦有機會增加感染危機。
感染及傳染科專科醫生陳啟明表示，室溫愈接近人體溫度，病菌生長能力愈強，尤其醫院這些高危地方，長期病患、抵抗力差或長期服用類固醇的病人最易發病。他認為醫院出現攝氏三十度以上高溫屬不理想，建議醫院應保持適當溫度，並且確保空氣流通。