違法佔領行動發起人、港大法律系副教授戴耀廷喺前年立法會選舉發起「雷動計劃」，被外界質疑是「配票」干預選舉，事隔兩年，政府尋日先話選舉管理委員會喺前年選舉接獲投訴，已交由執法部門跟進。戴耀廷搞佔中就話要違法達義，去完飲唔肯找數，咪以為次次搞亂檔之後都可以走數，呢次雷動計劃就一身蟻嘞，再加上外界已𥄫實佢為出年區議會選舉搞嘅「風雲計劃」會唔會涉嫌操控選舉，若果佢有乜行差踏錯，唔使旨意走得甩。
