皮包骨案母爆女童非男被告親生

男被告代表律師在上周開始盤問的初期，已經不斷追問女被告，男被告與受害女童是否親生父女，又問女被告跟男被告結婚後，是否跟其他男人有性關係，當時女被告堅稱：「我同凌耀忠結咗婚就生咗佢（女兒），咁凌耀忠就係佢親生爸爸啦」，並表示「無印象」與其他人有婚外性關係。

律師昨日再次追問相關問題，「女童係咪你同男被告嘅親生女呀？」女被告仍是回答：「係我同凌耀忠生嘅囉！」此時律師及法官都認為她迴避問題，律師再問：「男被告是否受害女童的親生爸爸呀？」女被告仍重複舊調。

律師「轉一轉」形式再問，「女童是否男被告的親生女」，女被告先是回答「係」，但突然反問：「你講邊個話？」法官隨即說；「林林（女童乳名）呀」，女被告猶豫片刻才說：「林林呢，唔係凌耀忠親生嘅！」

突然改口 但指男被告知情

律師繼續追問，既然女童是女被告跟男被告結婚後才懷上，但非男被告所出，那誰才是女童生父？女被告回答：「我唔知道」。律師再問：「你從來都無同男被告講，女兒唔係佢親生？」女被告沒有直接回答，只強調：「佢（男被告）自己知道（口架）」。

律師直指女被告：「係你想逃避責任，威脅男被告，同教你孖女講大話去保護你，林林依家落入咁不幸嘅境地，你要負責」。女被告則表示：「我絕對唔同意」。

律師又重提女被告曾供稱，在事發前約一個月，男被告向她表示女童「好難湊」並因此覺得煩厭，但又動粗拒絕讓她上門探女。律師遂問：「有個男人同你個女一齊仲話嫌煩，但你乜都無做到呀？」女被告聲言：「佢（男被告）打我，你叫我點做啫，我已經盡晒力喇，你叫我一個女人可以點吖？」聆訊今續。

案件編號：HCCC 76/2017