政情：公民講場：吳秋北鬧羅致光 誤導市民

政府正就最低工資水平進行公眾諮詢，但勞工及福利局局長羅致光尋日就喺網誌話現時已較一一年嘅最低工資水平升幅百分之二十三點二，稍為超過通脹，工聯會會長吳秋北回應時話依家嘅最低工資水平遠遠滯後於市民開支水平，未能保障基層市民生活，又話最初嘅最低工資基數太小，升幅高於通脹嘅講法毫無意義，希望羅致光唔好誤導市民。依家諮詢都未完，羅致光講到閂定後門咁，難怪吳秋北要揪番佢轉頭，兼篤爆佢玩數字遊戲。