我有正能量：愛的力量

城仔（化名）雙眼停留在雪糕玩具上，無論劉太怎樣叫他，他也絲毫不動搖，「佢好有自己一套，佢認定咗嘅嘢就唔會退讓。」又如搭電梯，城仔也有自己的堅持，認為電梯只可以由他控制，若發現有人按鈕亮燈，他會即時踢腳、尖叫、發脾氣。站在身邊劉太總是尷尬萬分，「佢講唔聽o架、又唔明、唔顧人感受。」自此，劉太外出時總會避開高峰時期，「好多人講嘢好難聽，會話你唔識教就唔好生啦。」別人的責備壓下了她最後一根稻草，劉太忍不住落淚。

「唔明點解會係我個仔有病，每日擘大隻眼都唔想起身，因為我唔想面對個仔。」五年前，與丈夫育有長女的劉太，當得悉懷有兒子時，一家人滿心期待，認為是上天賜的禮物。惟兒子兩歲仍未懂說話，婆婆還安慰劉太，指男生的語言發展本來就比女生慢，叫劉太耐心等候，兒子終會開口叫爸媽。但劉太放心不下，和丈夫討論後帶兒子去檢查，「家姐兩歲開始慢慢講好多嘢，但佢唔講又成日發脾氣，老公話佢應該有啲問題。」

見子女進步 再累也值得

評估發現城仔有自閉症傾向，解釋了城仔為何總是教不聽，劉太形容當時如晴天霹靂；只是沮喪過後，還是要過日子。兒子需要特別照顧，劉太完全一頭霧水，只能把所有時間和心機都放在兒子身上，她坦言覺得對長女虧欠，「每日返屋企只可以問吓家姐有無功課，識唔識做，好少關心到佢。」

和姐姐玩耍時，城仔會打她以示不滿，劉太堅持要城仔道歉，「我唔可以寵佢，要話畀佢咩係啱、咩係錯，如果唔係佢出到社會好大件事。」城仔起初還是不得要領，劉太便跟他賭氣，互不理睬。劉太說，自閉症傾向的小朋友不懂得觀察別人的心情變化，經多次訓練，他才知道媽媽生氣，主動過來抱抱道歉。

劉太坦言，照顧子女比工作上班更累，不過，看見子女成長、有進步，身體再疲累也值得。特別是照顧城仔需要付出額外的心機和時間，但他總會在劉太快要耗盡所有力量的一刻給她一個擁抱，為她重新注入力量。雖然旁人總是擔心城仔的教育發展，但劉太認為，自閉症傾向的小朋友總有一樣專長，期待城仔找到興趣後能發光發熱。

劉太直言，兒子城仔（背向鏡頭）的一個吻足以抵銷平日的辛苦。

城仔指自己比較喜歡拖爸爸，劉太（右）笑言因他知道父親會給「着數」。

城仔以為採訪當天媽媽沒有為他準備午餐，嚷道：「無飯食啦。」	扶康會牽蝶康兒中心為自閉症傾向兒童提供訓練。	劉太（左）每天送城仔到中心接受訓練。

圖：關萬亨

文：陳綺雯