土地供應專責小組主席黃遠輝早前提出以公私營合作模式發展農地，隨即惹起爭議。同樣係專責小組成員嘅公屋聯會前主席王坤尋日喺電台話，與其搞公私營合作農地，點解唔用「尚方寶劍」《收回土地條例》收番私人業權發展︰「尚方寶劍擺喺身度，唔順攤、唔合作咪拎把劍出嚟用囉！」佢又話小組只關注土地問題，房屋政策就由政府處理，認為政府只畀咗把刀仔佢哋「鋸大樹」。王坤咁講，似乎係同黃遠輝唱反調喎！
