政情：一舊雲Fb貼小學相尋人

一舊雲早前喺社交網站上載咗兩張黑白舊照，係佢班小學同學同當年老師嘅合照嚟，佢仲話期待同昔日聖三一堂小學同學及老師重聚。佢又話，由於大部分小學同學畢業後都各散東西，各自精彩，數十年冇再見面，亦有唔少已失咗聯絡，所以好期待重聚嘅喜悅，一起話當年。

老師眼利認出

老實講，幾十年冇見，唔好話唔記得對方個名，大家個樣都變晒，點會認得到吖，相信因為咁，一舊雲先擺張相出嚟。有網民就留言祝佢好運。

喺相裏面邊個係小時候嘅一舊雲？相信都要搵一陣，但有人好眼利，喺社交網站留言話「最後排，在容老師右面那位就是黃議員喇！」邊個咁眼利，原來係一舊雲嘅老師，一舊雲仲回應：「老師眼力好，仲認到我呢個o靚妹小學生！」