政情：公民講場：峯搶手機 白鴿黨又添豬隊友

民主黨（白鴿黨）過往醜事纍纍，全靠一班「豬隊友」。二○一四年二月政府喺立法會宣讀財政預算案，當時為白鴿黨議員嘅「AV仁」何俊仁就喺會議廳公然用平板電腦瀏覽性感照片。去年八月，該黨林子健就聲稱自己被人擄走，仲展示大髀上被釘書機釘成多個十字架嘅傷勢，搞咗場大龍鳳，點知最後懷疑有人報假案，林子健仲畀警方告番轉頭。點知近日該黨議員許智峯又喺立法會強搶政府女官員手機，搞到被人提出譴責動議彈劾，尋日就被警方拘捕，仲分分鐘同林子健一樣淪為被告。咁多豬隊友，睇嚟白鴿黨可以組成另類「豬籠城寨」喇！