中環出更：葉鍾佩雲心急抱孫 秘製花膠汁為愛女補身

葉太話呢味餸嘅做法類似花膠海參汁，但材料就豐富好多，包括有大元蹄、花膠、雞、瑤柱、蝦、金華火腿同埋幾十隻雞腳，一日煲三次，連煲三日，葉太仲將呢味餸命名為「千千萬萬骨膠原愛心汁」喎，真係搞笑。

藍國慶隔住電視開香檳

講番晚會有好多創新節目，開場先由不在港嘅善德常務副主席藍國慶透過視像大玩瞬間轉移技法，佢隔住電視螢幕開香檳，然後斟咗一杯真香檳到現場同大家飲杯，跟住又將廿萬元善款支票穿過螢幕傳遞過來，睇到賓客拍手叫好，原來係魔術師指導下嘅熱身表演。

現場仲播放一段由董事會成員扮嘢演出嘅「不可能的任務」第二集影片，主席董吳玲玲等一班「演員」延續第一集認真而搞笑嘅演出，今集仲多咗兩名「型格」演員客串，即係教育局前局長吳克儉同埋保安局前局長黎棟國，兩人齊戴黑超壓軸演出，十分盞鬼。吳克儉同黎棟國笑笑口同卓妮講，以前喺任內都試過拍宣傳片，但係「拍戲」就係第一次，黎棟國仲話自己連黑超都冇添！

董吳玲玲（中）嘅細仔董必政（左）帶埋女友GiGi（右）一齊去支持。（葉華英攝）

黎棟國（左）及吳克儉（右）首次孖住「拍戲」，好盞鬼。

卓妮