民主派早排喺立法會綜合大樓示威區舉行聲援香港大學法律系副教授戴耀廷嘅集會。立法會行政管理委員會事後向公民黨立法會議員郭家麒發警告信，指佢當日集會搭建咗一個超出准許尺寸嘅舞台。郭家麒尋日回應時就死雞撐飯蓋，話當日個舞台只係較規定高出○點二米，而佢知嘅時間集會已就快開始，反斥身兼行管會主席嘅立法會主席梁君彥係小事化大、借題發揮。作為立法會議員，更應遵守立法會嘅規定，違規就係違規，死撐都冇用（口架）喇！
