政情：重返議會 謝偉銓讚氣氛和諧咗

與泛民為鄰 要時間適應

Tony上屆出任議員時，不論議會定社會都非常撕裂，所以議會「拉布」已經係常態化，尤其係審議《二○一四年版權（修訂）條例草案》、《醫生（註冊）修訂條例草案》期間。佢大嘆以往開會要坐定定，午飯分幾次食就更加係必然，而現時嘅議會已經有改善，畀佢感覺氣氛係和諧咗喇！

不過，Tony喺會議室嘅位置都有所轉變，就係深入敵陣與泛民為鄰，似乎佢仲需要時間去適應喇，事關佢話泛民一方相對較嘈，有時仲會有疊聲情況，所以開會時有機會聽唔清人哋發言囉！

而喺早前嘅復活節假期，Tony就同太太去台灣叉電，歎蟹又歎台式火鍋。佢話除咗品嘗美食，最深刻就係去郊區，係無其他人嘅情況下同太太望住大自然景觀歎茶，仲飲足一個下午添！睇嚟佢最享受都係與太太獨處嘅時光。