中環出更：李永達網台為黑社會人士搖旗吶喊
壹傳媒黎智英（漢奸黎）同泛民主派關係千絲萬縷，周不時都喺其位於何文田嘅寓所同泛民中人密會攪局，漢奸黎今晚又喺黎宅同有「李漢奸」之稱嘅民主黨（白鴿黨）創黨主席李柱銘、立法會前議員李永達（高達）同何俊仁（AV仁）會面喇！冇得做議員嘅高達周圍「抓撈」，已經冇資格喺立法會發言嘅佢，就淪為喺網台開咪，最近仲幫啲黑社會人士搖旗吶喊、打鑼打鼓發聲，又亂咁噏詆毀人。今次佢又去漢奸黎屋企，唔知係去收柯打搞事抑或係去收番份糧？
半年至少去六次 似每月出糧
包括高達在內等多名白鴿黨「老鴿」經常去漢奸黎屋企密會，尤其係有特別事件發生嘅時候就更加頻密，好似過去半年咁，就去咗至少六次，真係一個月一次去出糧咁。繼上月中，佢同李漢奸等「老鴿」去過黎宅後，尋晚佢又同李漢奸及AV仁齊齊去黎宅同漢奸黎會面。佢哋約傍晚六點半乘坐漢奸黎司機駕駛嘅七人車到達黎宅，高達就坐車頭駕駛座旁邊嘅座位，AV仁就坐中排嘅座位，李漢奸就坐喺AV仁隔籬。
三人入咗漢奸黎屋企後，逗留至九點四十五分，即密會超過三個鐘，三人準備上七人車離開之際，漢奸黎突然喺屋內嗌出嚟，叫停七人車，後來有人將一些東西放上車，估計係有人漏低嘢。隨後，三人乘坐七人車離開，司機首先喺旺角放低高達，跟住再送李漢奸返回半山嘅住所，最後AV仁喺天后廟道落車。
話時話，高達自從二○一二年立法會換屆選舉敗選之後，只能夠周圍「抓撈」，曾經幫過同漢奸黎、李漢奸同屬「搞事四人幫」成員、有「民主阿婆」之稱嘅前政務司司長陳方安生打工，喺由民主阿婆成立、漢奸黎有份資助嘅議政平台「香港2020」任職。可惜隨住民主阿婆都乾塘，高達頓變失業，依家就喺網台亂噏當秘笈。日前佢仲喺網台幫啲黑社會人士搖旗吶喊、打鑼打鼓添！
高達呢頭喺網台節目為黑社會人士發聲、宣傳，嗰頭就走去漢奸黎屋企同漢奸黎會面喇。李永達同漢奸黎關係咁密切，當中有冇關係真係佢哋先知喇。話時話，李永達今次見漢奸黎，到底又係去收指示，定係去出糧呢？
卓妮