【本報訊】一家六口死裏逃生，燒傷戶主坦言「感恩」。赤腳走火警而雙腳被燒傷的姓何男戶主，在接受治理後仍需留醫，雖然住了十四年的單位付之一炬，但他表示「最緊要人無事，自己逃生時因嚟唔切穿上拖鞋，加上環境漆黑伸手不見五指，結果踩到細火頭辣親腳板，起咗啲水泡」，但均屬皮外傷。他又稱「醫生照過，話個肺無事，氣管就要觀察多一兩日，但相信都無乜大礙。」至於家人及傭工雖然留醫，但都只是皮外傷，沒有大礙，已算不幸中之大幸。
對於長女疑將「尿袋」通宵充電肇禍，何直言長女事後猶有餘悸，「佢好驚、一路係咁喊」，又自責：「都係我唔好啦，我叉個尿袋搞到屋企咁樣！」但一家人都沒有因此怪責她，形容「呢啲嘢都無人想」，相反慶幸她能及時發現，令全家人及時逃生。「我哋都讚佢，話其實最重要都係你嗌醒我哋，如果唔係到時燒到成個廳都係火，嗰時就真係大件事！」何又稱：「其實我哋都話過啲細嘅（女兒），唔好通宵叉電o架喇，點知都係出事。」但相信經過今次事件後，「我諗佢哋都唔敢o架喇！」他又指懷疑起火的尿袋為台灣的「大牌子」產品，並非山寨貨。
起火的單位早前已成功放售，何氏一家準備在今年八月遷出，詎料遇上無妄之災。何事後已接觸地產代理商討，稍後會將單位重新裝修再交予買家，不擔心對方拒買；而他亦有購買家居保險，已通知保險公司跟進。何又稱，屋宇署及機電署已派員到場了解，暫時未知樓宇結構是否有問題，管理公司則安排人手清理積水。由於新居要到八月才能入伙，一家人只能暫借朋友地方居住，形容「可能住得逼啲，但都無辦法。」