立法會旅遊界議員姚思榮早前話要搞「公廁革命」，仲點名批評中環街市嘅公廁衞生情況惡劣。市區重建局行政總監韋志成尋日喺網誌撰文話「積極跟進」問題，市建局已採取措施去「辟臭」，仲話早前途經中環街市時，刻意走入公廁視察，「實測」公廁異味同地面濕滑問題，已大有改善。韋志成咁講都係想邀功，唔使人踢先郁，之但係中環街市衞生惡劣唔係今日先爆出嚟，可以話補鑊都補得遲喇！
