政情：今日你上鏡：郭偉強慶生 黨友送公家餅

工聯會尋日開大會，撞啱佢哋嘅立法會議員郭偉強四十歲生日，仲有成班黨友幫佢慶祝。不過點解個蛋糕係西餅嚟嘅？原來班黨友索性用大會提供嘅西餅借花敬佛送畀佢，抵啲咁話喎。不過眼見郭偉強笑得咁開心，睇嚟佢都唔介意喇！講番工聯會大會，會長林淑儀、理事長吳秋北就撤銷強積金對沖、最低工資發表回應，希望政府可以盡快落實有關細節，令勞工法例可更貼合打工仔嘅基本需要咁話！