政情：馮偉華連任教協會長 韓連山冇影
香港教育專業人員協會（教協）新一屆嘅理事會同監事會尋日完成開票同點票程序，由現任會長馮偉華組成嘅「馮偉華閣」以近九成半的信任票當選。至於監事選舉方面，曾任教協副會長的張文光獲七成一有效票數，以最高票數當選為監事。而過去曾組閣同張文光對壘嘅進步教師同盟（進師盟），喺今次選舉中則未有派人參選。
葉建源冧莊做副會長
新一屆教協理事會同監事選舉喺上月初展開，教協選舉委員會喺開票日前，共收回三萬零五百八十四張選票，投票率接四成。立法會教育界議員葉建源成功連任副會長。而監事選舉方面，今次選舉有二十名候選人，選出十九名監事席位，張文光則以逾一萬七千票當選。
過去因不滿教協嘅作風愈趨保守嘅韓連山，曾組成進師盟參與教協監事會選舉，與被視為溫和派嘅張文光對壘。進師盟喺一四年首次參選，十九人嘅團隊當中，只有六人當選，而喺一六年嘅選舉中，則只有韓連山一人當選。