話說熱血公民立法會議員鄭松泰喺前年大會上把建制派枱上嘅五星旗同區旗倒插，有關事件嘅調查委員會尋日向大會提交報告，一致認為佢違反誓言及行為不檢嘅兩項指控成立，稍後會喺大會提出譴責動議。由於動議必須得到三分之二議員支持先獲得通過，依家泛民主派有二十六名議員，只要有二十三名議員反對動議，鄭松泰就可保住議席，所以佢求神拜佛班泛民議員到時要坐定定，否則行出行入，走咁幾個，佢個議席就凍過水嘞！
