南韓模特兒界索女眾多，要樣貌有樣貌，要身材有身材，最誘人嘅係有女人味兼有氣質。講到近期最紅嘅模特兒，必然要數呢位外形無可挑剔嘅尹愛枝，出眾嘅外形加上動人魅力，令每位男士見過佢都會留下深刻印象。
作為一位冒起得相當快嘅攝影模特兒，最重要係有令人驚艷嘅外形，望一眼就已經觸動到腦神經，好似尹愛枝就係最佳人辦。入行之前，尹愛枝從未諗過會成為模特兒，因為佢修讀關於美術及文化嘅課程，畢業後希望從事設計嘅工作，另一個原因係佢覺得自己唔適合喺鏡頭前工作，因為佢每次望住鏡頭時都會覺得好緊張。
不過，世事嘅嘢就係咁奇，愈係冇諗過會發生嘅事，就愈係會出現喺面前。有日愛枝收到一位從事雜誌工作朋友嘅邀請，問佢有冇興趣客串做攝影模特兒，如果係第二個朋友嘅話，佢必定會拒絕，由於對方係老死，故此爽快答應，但係佢事先講明有鏡頭恐懼心理，所以未必可以做到朋友嘅要求。為咗令尹愛枝增強信心，呢個朋友先讓佢熟習一下環境，拍咗幾百張唔望鏡頭嘅相片，等佢習慣咗工作氣氛之後，就正式進行拍攝工作，結果成功令愛枝克服恐懼心理，而估唔到嘅係竟然引起模特兒事務所嘅注意，邀請佢成為旗下模特兒，經過一番考慮之後，便決定投身模特兒界。
對於模特兒工作，尹愛枝可謂白紙一張，因此佢接受一連串訓練，2016年正式以職業攝影模特兒身份出道，憑住亮麗嘅外形，玲瓏浮凸嘅誘人身材，以及外冷內熱嘅氣質，先後喺多本男士、化妝及汽車等雜誌上登場，好快就闖出名堂，之後佢又為商品拍攝宣傳照，更為多個手機及網絡遊戲拍攝宣傳海報，人氣不斷急升。
南韓模特兒界有個慣例，就係當模特兒人氣有番咁上下嘅時候，會擴展到車模或賽車女郎界發展，一來可以令工作範圍變得更廣，二來又可以提升曝光率同知名度。但係尹愛枝卻反其道而行，選擇留喺攝影模特兒界，原因係同佢嘅恐懼問題有關。雖然佢已經唔再懼怕面對鏡頭，但卻害怕喺公開場合演出，車展同賽車活動需要面對大眾嘅大型場合，正係擊中佢嘅心理弱點，因此佢同事務所商量過後，便以攝影模特兒工作為主。此外，仲有另一個原因，就係佢唔希望曝光率太高，擔心會影響到私人生活，眼見唔少人氣模特兒，因為紅咗之後連落街買嘢食都唔敢，每次吃飯都要訂房先至敢去，呢種生活並唔係佢所願意過，故此情願收埋自己。不過話說回來，保持低調嘅愛枝，人氣仍有升無減，低調啲又有乜所謂呢？
出生地：首爾
身高：164cm
三圍：33-24-34
簡介：尹愛枝嘅身材究竟有幾火辣呢？激凸嘅雙峰，渾圓嘅美股加纖腰，本身已經夠晒誘人，而佢經常為女性內衣拍攝廣告，令魔鬼級嘅身材盡情展現，足以令人流晒口水。如果大家想了解佢多嘅話，就Click入呢個網站睇睇喇！
網址：http://cafe.daum.net/YunAeji
撰文：魂