政情：出題考黃之鋒 周庭轉撈教師？

問答比賽反BCA操練

原來唔係，事緣係教育局喺上月中公布復考BCA，令唔少學校同家長都擔心會令學生出現過度操練嘅情況，所以眾志就拍咗條短片反BCA。

喺片入面黃之鋒同兩個小三學生組成「豆丁衝鋒隊」，立法會議員陳志全（慢必）、家長聯盟Annie、香港眾志常委鄭家朗組成「慢有引力隊」，而周庭就負責問問題，睇吓邊隊答得多答得快。

有兩個小三學生帶住果然係唔同啲，「豆丁衝鋒隊」可謂由頭帶到尾，無論係中文講故事嘅題目，定係要動腦筋計數都冇問題，相反三個大人組成嘅「慢有引力隊」，連小三數學題都計錯，真係老貓燒鬚嘞！不過，兩個小三學生都話希望可以「一邊玩一邊學」，如果可以無痛苦學習就最好喇！