離開政府不足三個月嘅前律政司司長袁國強，獲批准以資深大律師身份重新執業，不難令人質疑佢當日急住走，拋低「一地兩檢」本地立法，可能係為咗要火速重操故業搵真銀。其實喺一地兩檢嘅問題上，外界已狠批佢不負責任，再加上佢應告唔告，令違法佔領行動搞手、壹傳媒黎智英（漢奸黎）逍遙法外，而喺黎秘捐民主派事件亦一味拖，對漢奸黎刑恐《東方日報》記者，有證有據，竟遲遲唔告，都被外界鬧爆佢造成司法不公，佢孭住咁多往「迹」去開業，市民心裏有數喇！
