車Cam攝出事前情況 「兩分鐘前仲企喺度」

【本報訊】車Cam直擊交警越線指揮交通，司機慨嘆：「個差人兩分鐘就冇咗條命！」資深交警在公路執勤的時候遭貨車撞斃，有車Cam拍下殉職警員在出事前一刻的執勤情況，該車輛的女司機憶述事件的錄音，其後在網上瘋傳。據女司機透露：「我（在漆咸道北）臨落斜已經見到有（警車）藍紅燈，咁就收慢架車，個差人就行出嚟，當時見到幾個差人，跟住就截停我架車，佢哋想將右邊架黑色私家車移去左邊巴士站，唔好阻住條快線。」
數名交警站在行車線上執勤。（互聯網圖片）<br>穿深色外套的交警（箭嘴示）高舉亮着的手電筒。（互聯網圖片）<br>手持電筒的交警（箭嘴示）站在最左邊行車線截車。（互聯網圖片）
數名交警站在行車線上執勤。（互聯網圖片）
穿深色外套的交警（箭嘴示）高舉亮着的手電筒。（互聯網圖片）
手持電筒的交警（箭嘴示）站在最左邊行車線截車。（互聯網圖片）

女司機續稱：「被撞死個差人，就喺車Cam左邊揸電筒係咁照嗰個，差人截停晒所有車之後，就開始移車，跟住出事個差人由我左邊走到我車尾方向，後面仲有幾架車都停咗落嚟，不過當時我冇望去倒後鏡。」

女司機錄音：聽到嘭一聲

她又指，約兩分鐘後，警察放行車輛，惟「差人一放車，我都未到蕪湖街燈位（距現場約二百米），就聽到『嘭』一聲好大聲，我望倒後鏡見到，我心諗（有車輛）收唔切炒咗落架警車度，但我都唔知道死咗人。」

未幾女司機收到上司來電，指自己因車禍封路被困車龍，當時她已感奇怪，回應稱：「我知道再撞咗車，但你（上司）揸嘅電單車過唔到咩？跟住我睇新聞，先知（貨車）撞落警車嗰吓，撞到個差人，跟住仲要死埋添。」說到此處，女司機不禁長嘆一聲，謂：「兩分鐘前仲見到企喺我車Cam前面，喺度行緊過去做嘢，咁就冇咗啦！」

第一手消息請下載on.cc東網iPhone/iPad/Android/Windows Phone Apps