香港人做事出名快，有效率，不過港產官僚啱啱相反，唔止做嘢漏氣，對住洋奴漢奸、黑幫惡棍，更加係心中有鬼，內心虛怯，事事畏首畏尾，唔敢做亦唔敢告，講緊嘅之唔係做嘢速度拍得住樹懶咁慢嘅律政司囉！
係人都知，東方記者舊年喺「六四集會」上，被壹淫媒老闆漢奸黎爆粗恐嚇，乜嘢「×你老母×」、「我實會搵人搞×你」、「我影×咗你嘅相」，有圖有片證據確鑿，但律政司拖到如今距離事發已經足足九個月有多，依然係冇聲冇氣，唔敢做亦唔敢告，本報三度去信質詢，律政司頭兩次都係大派官樣文章，講虛話、放煙幕，答咗等於冇答，更以「沒有進一步補充」敷衍塞責，睬你都傻咁款，幾大嘅官威呀！
律政司乜都唔做，結果係縱容淫媒漢奸變本加厲。本集團記者喺壹淫媒大樓外進行正常採訪，又遭漢奸黎派人推撞騷擾。你知啦，狗仔隊由壹淫媒帶頭做起，家陣嘅行徑擺明自打嘴巴，正義傳媒亦已報警，所以呢，東方本月十四日第三度去信律政司質詢，提出六大質疑，問律政司到底仲要姑息養奸到幾時，點知今次更加好似泥牛入海，覆都唔覆，應都唔應，唔通要搵人掟個西瓜落海，潛咗水嘅律政司至肯蒲頭？
講真，唔使夾律政司手指都知點解漢奸黎次次都走得甩咁好彩，喺政治黑金案扮演主導角色，竟然獲律政司一句「證據不足」放生；刑恐記者，律政司又視而不見，唔使審，漢奸黎以「狗仔隊之父」打壓新聞自由、參與非法佔中，睇怕都係大事化小不了了之，皆因特衰政府怕咗漢奸黎背後嘅外部勢力，情願犧牲法治嚟換取大和解，一方面將愛國愛港者極速檢控，一方面就對漢奸黎為首嘅反中亂港者撐起司法保護傘，唔敢揸正嚟做。既然心中有鬼咯，又點有面目面對正義傳媒嘅質詢？所以咪答非所問囉！香港法治蕩然無存，唔變罪惡之城就奇啦！
話時話，律政司點止對漢奸洋奴放軟手腳，就講黃賭毒黑樣樣齊兼引入南亞兵團禍港嘅黑幫和勝和前坐館「上海仔」郭永鴻，近日先畀人入稟追收逾五千萬元賭債，之前則涉及洗黑錢等多宗案件，潛逃七個月後終於落網，但律政司居然建議警方繼續「深入搜證」，結果搜到家陣案發逾五年仍然未被正式落案起訴，問你服未。
睇到啦，洋奴漢奸黑幫有恃無恐，南亞兵團禍港殃民，本港富豪仲被上海仔招攬嘅南亞兵貼街招勒索，簡直視法治如無物，正因為律政司慣性龜縮，打擊力度細過(抓)痕，靠紙老虎嚟維護法治喎，係人都當冇料到啦，仲唔大肆造反咩。香港法治淪亡，多得律政司唔少！