南生圍利益惹火 婚紗橋牌匾被撬
【本報訊】南生圍近日發生山火，不少地方都變成焦土。禍不單行，有網民行經婚紗橋時，發現有人正用鐵枝暴力拆除牌匾！該男子自稱姓吳，為士多老闆，又指牌匾及魚塘均不屬於他。網民拍下片段上載至互聯網，問道「其實咁樣算唔算刑毀？」協助修橋的市民懷疑該男人因「利益糾紛」而老羞成怒要拆橋。
有網民在「南生圍婚紗橋（主持南生圍佬）」群組內發文指前日下午約五時，行經婚紗橋時發現有一名男子，正站在原本插在旁邊的路牌旁邊，嘗試破壞牌匾。他上前詢問男人身份時，對方自稱姓吳，為士多老闆，又聲稱「個牌匾同個魚塘都唔係佢」。該網民表示：「點解依家啲人咁得意嘅？其實咁樣算唔算刑毀？」
「拍嘢冇通知」 相片板被毀
婚紗橋過往曾破損數次，幸得造橋的譚伯出手打救，曾協助譚伯修橋和添置牌匾的Ringo接受本報訪問時指，懷疑「拆牌」事件或因村內的利益糾紛所致。「前一晚有人通宵拍嘢，但係又冇事先通知佢哋（村民），或者畀封利是之類，所以可能因為咁就嬲到要嚟拆牌喇。」Ringo補充，他已與譚伯討論過，「我哋唔想搞大件事，所以最後冇報到警。」他又指，是次「破壞」事件在他認知中是首次發生，「可能佢諗住拆咗個牌，等你哋冇得拍嘢啦！」
他昨到現場，發現牌匾未有損壞，「只係甩咗幾粒螺絲同甩咗條鐵，佢（破壞者）冇咁易撬到，我個牌支鐵打到好深。」不過在旁的「相片板」則未能幸免，相片全失，幸婚紗橋未受破壞，他認為事件涉及村民之間的紛爭。對於肇事者身份，Ringo則指「我知佢係邊個嘅，但係唔識佢。」