建造業大聯盟日前上街反拉布，要求加快審批工務工程撥款，而接收請願信嘅立法會財務委員會主席陳健波（波哥）隨即加開下月六日、十三日同廿七日會議，每日四小時。波哥同財政司司長陳茂波（波叔），兩人名字只係差一個字，但面對訴求嘅時候，處理方法截然不同，波哥即拍板加開財會，相反波叔喺公布預算案後，因為派糖不均而被全城炮轟，對市民要求派錢嘅訴求充耳不聞，唔該波叔學吓波哥點做嘢喇！
