泛民議員之前喺立法會全方位拉布，尤其係朱凱廸怪招多多，搞到好多撥款申請都過唔到，建造業大聯盟尋日就發起遊行，逾三千名工人上街怒吼反拉布，要求加快通過工務工程撥款，而立法會財務委員會主席陳健波同發展局局長黃偉綸都親自出嚟接請願信，陳健波仲話會加開會議，但預計都係唔夠時間。正所謂手停口停，泛民再係咁拉布落去，根本就係與民為敵，快啲收手喇！
