政情：史立德遊大阪 玩五日肥五磅
唔少人都會趁住農曆新年假期去旅行放鬆下，香港中華廠商聯合會副會長史立德都唔例外，佢兩公婆同幾個朋友一齊去咗日本大阪玩咗五日，唔通諗住趁冬天去滑雪？原來唔係，史立德話自己唔識滑雪，為免狼狽都係唔好去好啲，所以就決定去浸溫泉，唔使咁麻煩，仲唔使怕凍添！
件件衫都緊晒
全程吃喝玩樂當然盡興，不過都唔係冇代價嘅，史立德話喺呢個旅程之後肥咗，仲要短短五日之內肥咗五磅，平均一日肥一磅！結果返到嚟香港，件件衫都緊晒，所以嚟緊都要keep返fit，如果唔係就算着到件衫，都着得唔靚咁話喎。