庫房水浸，社會要求政府增加資助安老院舍無可厚非，但係勞工及福利局局長羅致光尋日喺網誌話，一間安老院由規劃到落成最快要十幾年，如由今屆政府計劃，可能要下一屆或再下一屆先見到「收成」。正所謂「前人種樹，後人乘涼」，好似房屋等基建政策都唔係一朝一夕就見到成果，咁羅致光都要為安老院「播種」先得o架，依家有錢唔做，日後冇錢就更加唔會做喇！
