庫房水浸，官富民窮，近日唔少市民都要求港府喺新一份財政預算案直接向全民派錢，部分之前反對派錢嘅政黨亦紛紛轉口風。其中街工立法會議員梁耀忠尋日就喺電台話，佢原本都唔贊成派錢，但街工近月訪問咗四百幾人，發現有超過七成人贊成派錢，部分人認為政府唔識點用錢，不如直接派畀市民使好過，所以佢都覺得可以派吓喎。如果阿忠真係咁尊重民意，當年就應該轉軚支持政改方案喇！依家支持高鐵一地兩檢嘅民意亦超過五成，唔知阿忠又會否順應民意，由反對變為支持呢？
