我有正能量：愛心粥福

「多謝支持，睇熱！」一碗接一碗，九十後社工Ben將滾粥逐一遞給街坊，為過年墟市添上陣陣暖意。檔口獨沽一味，只賣皮蛋瘦肉粥，惟已足以讓他忙個不停。如此落力，全因他是天乙慈愛基金會「平民美食車．夢想之第一桶金」計劃的先頭部隊，一連兩晚之收入扣除成本後，將全數用於實踐其支援露宿者的夢想企劃。

Ben曾經是無家者，深明流浪街頭之苦，工作上又發現不少捐贈物資未被善用，遂起了協調物資分配的念頭。「早排天氣嚴寒，有機構派完毛氈，其他人又派；結果部分地區唔夠物資，有啲地方物資又太多。」及後，他與另一名社工拍檔研究開發手機應用程式，讓不同持份者分享物資存量消息，使合適的物資能落於有需要人士手上。「賣粥賺到嘅資金會用嚟建立一個社區為本嘅賑災倉庫資訊平台，市民、無家者都可以參與其中。」

檔口所售的每碗皮蛋瘦肉粥，皆由區內善心酒樓贊助。	暖烘烘的粥品，為過年墟市添上陣陣暖意。	平民美食車鼓勵「自己資金自己搵」，其鮮明理念吸引不少街坊幫襯。

社工幸獲酒樓贊助粥品

非牟利機構編制下的社工，需按組織宗旨和定位運用資源，即使是外界的資助亦有一定局限。「基金運作取決於贊助人意願，可能同社工理念有出入，自己落手落腳去搵資金，自由度會大啲。」不過零經驗首次擺檔，Ben亦坦言「好撈攪」，幸而獲本地酒樓贊助粥品，加上善心企業和一眾義工出手相助，終成功賣出六百碗，盈利達七千元。「搵贊助、做宣傳、安排物流，好似返咗大學搞迎新營咁！將來做青少年服務，呢啲創業經驗都會幫到手。」

一連兩晚墟市，Ben（右）共賣出六百碗粥，所得盈利達七千元。

平民美食車所得收益扣除成本後，將全數供Ben用於實踐追夢企劃上。

計劃的幕後推手、天乙慈愛基金會創會會長黃偉傑表示，平民美食車象徵着本港基層的拚搏精神，除了支援慈善項目，更可提供機會予弱勢人士自力更生，比一次性探訪或捐贈更能解決社會問題。「可以畀學生籌錢做慈善項目，可以畀低收入家庭搵生活費，甚至畀露宿者嘗試重新投入工作，等佢哋有勇氣行番出嚟。」未來他會爭取更多食材與經費贊助，並邀請商界參與購置平民美食車，讓更多追夢者可「借車擺檔」，散播夢想的種子。

圖：吳康琦

文：林幸泉