立法會教育界議員葉建源早前聯同跨黨派聯署，要求政府停止本港學生小三全港性系統評估（TSA），尋日又聯同所屬嘅教協出嚟公布一項調查，指小學生功課多，而逾六成嘅受訪小學教師認為學生功課量過多係操練同應試文化驅使，仲同TSA或基本能力評估（BCA）有關。老實講，葉建源不斷變身，咬住教育局局長楊潤雄唔放，都係想政府停止TSA，呢次唔知楊潤雄點收科呢？
