近日灣仔北沙中線地盤兩度發現二戰時遺留嘅炸彈，仲有幾多埋喺地底都仲未知。港府近日就自埋「政治炸彈」，好似壹傳媒黎智英喺一二年至一四年中，秘密捐款予泛民政黨同立法會議員，前律政司司長袁國強就一直採取「拖字訣」，仲將炸彈拱手相讓畀現任司長鄭若驊添。而鄭若驊不但無拆彈，仲決定放生黎智英一干人等，惹嚟全城炮轟，加埋佢本身嘅僭建風波，因佢而起嘅政治炸彈隨時挖極都有，愈挖愈多！
