自誇鍊贏失控跑車 司機惹嘲笑
【本報訊】不少駕駛者將馬路當賽道，當正其他駕駛者是挑戰者。近日網上流傳一段車Cam（行車紀錄儀）片段，片中司機見一輛小跑車在馬路狂飆，自己亦從後追趕，當目睹小跑車失控自炒時，表現洋洋得意，結果惹來網民嘲笑：「你做過啲咩？」
違規切雙白線入彎
現場是旺角界限街向九龍城方向，事發本周三（1月31日）晚上九時四十九分。片段開始，一輛藍色小跑車在燈位前等候，當交通燈轉為綠色，小跑車應聲彈出，從後目擊的司機語帶諷刺說：「好快喎！」隨即加速追趕，並違規切雙白線，期間小跑車在出彎位時，失控「打白鴿轉」，幸及時停下，未釀成嚴重意外。
從後目擊意外的司機即時洋洋得意謂：「搞掂咗佢啦！」不過其身邊女伴則語帶不滿說：「哎呀，你唔好玩啦！」司機應道：「Sorry，佢技術唔夠我嚟！」
司機的反應即時引起網民熱烈討論，「究竟你有咩技術？」「唔係拍片個車主技術勁，係炒車個車主技術差！」有人更直指司機違規切雙白線：「你又有幾勁？ 咪又係踩住雙白線入彎」。