民主派就立法會九龍西補選演變成鬧劇，民協嘅立法會前議員馮檢基率先喺前日放棄做「Plan B」，尋日更上電台玩踢爆，稱有進步自決派阻撓出選，矛頭直指立法會議員朱凱廸。阻人參選違法嗰喎，朱凱廸隨即否認，但喺傍晚就轉向認晒低威，話過程有地方做得唔好而引起矛盾，亦都令到大家失咗焦點喎，所以向民主派支持者道歉。不過，馮檢基已率先畀自己友取消參選資格（DQ），依家道歉都冇用喇，更何況朱凱廸只係向民主派支持者道歉，馮檢基呢啖氣都真係好難吞得落囉！
