做人有好多禁忌，例如唔可以做為非作歹之事，亦唔可以亂咁講出傷害人嘅說話。而做寫真偶像亦有好多禁忌，例如演出嘅時候唔可以輕易將露出度提升，不過久松詩織呢位巨乳妹就話自己唔想再咁保守，一於全面解禁！
最近日本寫真界有好多知名人士加盟，唔少來自超人氣女團如AKB48嘅嫩妹，離團之後就拍性感水着寫真，實行以自己鮮嫩婀娜嘅胴體增加人氣，方便以後挾住強勁人氣嚟搵食，近期最受人注目嘅例子就有前AKB48成員永尾瑪莉亞。提到瑪莉亞，唔少人都覺得佢同一位寫真女郎生得非常相似，就係今日要介紹畀大家認識嘅久松詩織喇！
22歲嘅久松詩織樣子唔係話好嬌俏好標致，個口仲大咗啲且有少少哨牙，幸好詩織面上散發出青春可愛氣息，足夠彌補缺點，加上佢成日笑面迎人，愈睇愈順眼，的確係同永尾瑪莉亞有幾分相似之處。如果大家仲未接受到詩織個樣，慢慢嚟啦！又或者可以將注意力集中到阿妹嘅火辣身材之上！詩織個子唔高，身高只有5呎，不過肌膚鮮嫩且胴體曲線迷人，胸前對純天然彈手F奶更加係巨乳中嘅極品，更勝上圍只有C奶嘅永尾瑪莉亞。
久松詩織喺2012年出道，起初就唔係完全以寫真女郎身份登場，而係主打模特兒工作，一年之後詩織被選為美少女偶像團體「太陽Minute」嘅其中一分子，展開歌舞生涯，期間詩織同時發展寫真事業，2014年推出首隻寫真映像作品《Pure Smile》，雖然詩織參加選美比賽「日Telegenic 2015」最後落選，但係以其驕人身段亦成功喺寫真界闖出名堂。
詩織形象活潑可愛又咁好身材，當然亦好似其他寫真界姊妹咁成功獲電視台賞識啦，最近演出嘅電視節目就有《聽到！我能做的話》。詩織喺各方面都發展理想，但係所屬嘅團體「太陽Minute」就喺上年年中宣告解散，不過詩織表示團體解散對佢嚟講更為自由自在，因為被事務所下戀愛禁令，家陣詩織終於可以解禁搵個男朋友盡情談戀愛啦！另一方面，詩織亦唔使再顧及健康形象，盡情喺寫真演出當中解禁，喺最新推出寫真映像作品《かおりいろ》中，詩織就大玩內衣誘惑以及做出各種極具挑逗性嘅動作，大家一定要支持呀！
簡介：久松詩織會將自己嘅工作情報以及自拍靚相放上Twitter同大家分享，Click入去睇睇就一定大飽眼福喇！
網址：https://twitter.com/hisamatsu_kaori
年齡：22歲
身高：5呎
三圍：35F-24-33
撰文：賢