中環出更：跟老公無飯食 張宇人老婆鍾意林健鋒
立法會爆出感情糾紛！身兼行政會議兼立法會議員嘅張宇人（Tommy）太太鍾意咗行會同立會議員林健鋒（Jeffrey），Tommy仲要一啲都唔介意，話係正常事，因為老婆跟住佢無飯食，佢又慨嘆未婚人士係唔會明。嘩，兩男一女得個嬲字，真係咁大方？
Jeffrey大爆Tommy成日呷佢醋，皆因Tommy太太鍾意佢多啲喎！Tommy好大方咁承認「係啊，有咩問題？」因為太太跟住佢無飯食，佢平時食開意大利粉。佢又話呢啲要已婚人士先會明，好多女人結咗婚就會講人哋個老公好啲，點解自己揀嚟揀去都揀個籮底橙，鍾意第二個都好正常，就好似隔籬屋飯香一樣。
張大爆畀人話唔打招呼
咁有冇鍾意人哋老婆呀？Tommy就話冇，仲大爆成日畀人話佢唔同人打招呼，又話「咁係人哋老婆嚟屋o架嘛，我點敢撩啊！」當再追問Jeffrey人哋老婆有幾鍾意佢，Jeffrey即刻耍手擰頭話唔回應，唔講人哋老婆喎。Tommy最尾都話同Jeffrey識咗好多年，係好朋友，成日一齊食飯啫，所以佢都無呷醋。
卓妮