高鐵一地兩檢本地立法工作係港府今年工作嘅重中之重，運輸及房屋局局長陳帆上周突稱最快月底向立法會提交一地兩檢草案，旋即遭建制派視為唔熟國情，事關呢段時間正值內地省、市政協開會，身為省、市政協嘅一批立法會議員或未能坐定定撐一地兩檢草案首讀同二讀，隨時出現甩轆危機，因此紛紛出招力陳利害，最終陳帆疑買建制派怕，尋日回歸爭取唔遲於二月初向立法會提交草案嘅口徑，絕口唔提最快月底提交嘅說法，唔知呢啲係咪向現實低頭呢？
