政情：傳游蕙禎中出羊子 赴台讀書被拒
青年新政游蕙禎同梁頌恆喺前年因宣誓風波而被取消立法會議員資格，被立法會追討合共逾一百八十萬元薪津，但佢哋一直唔肯「回水」，近日有報道指游蕙禎同港獨人士「中出羊子」喺舊年曾打算申請到台灣讀書，佢哋透過代辦機構提交申請，到台灣健行科技大學讀書，但指由於游蕙禎有債務問題，恐面臨破產危機，因此拒絕佢嘅申請。但游蕙禎則否認曾申請到台灣讀書。
有傳媒曾向台灣健行科技大學查詢，獲回覆指游蕙禎曾委託香港的代辦機構申請，就讀該校四技學士班，但該校參酌教育部審查意見、並經招生委員會討論後，決定拒絕錄取游蕙禎。
游否認曾提申請
然而，游蕙禎喺回覆傳媒查詢時否認曾申請到台灣讀書，又指若在財政情況允許下，一直有進修嘅打算，而現時停留喺資料搜集嘅階段，冇申請到台灣讀書，亦冇透過任何代辦機構申請到海外升學或提交個人資料，同時亦唔排除係有人與佢同名同姓。