中環出更：成績備受各方肯定 楊政龍升呢做北京市政協
楊政龍（Alex）身為英皇集團主席楊受成博士次子，一直被視為集團接班人。Alex之前一直睇住集團地產同金融生意，當中喺潮界赫赫有名的淺水灣the pulse就係佢得意之作。二○一七年可謂Alex大展拳腳之年，除咗創立英皇電競同集團旗下首間共同工作空間Mustard Seed，亦都主理首間英皇戲院及積極籌備創投基金。
重視中港青少年交流融合
Alex酷愛創新，關心青年事務，特別重視中港青少年交流融合，加上佢又積極配合國家同特區政策，佢最近就被委任為北京市政治協商會議第十三屆港澳地區特邀委員之一。其實Alex之前都擔任過第五屆廣東省深圳市政協委員，當時已經被譽為最年輕的政協委員。今次獲委任為北京政協，Alex自己都感到非常雀躍和榮幸。
其實Alex都擔任大量公職，身任中華全國青年聯合會委員會委員、北京青年聯合會委員及香港青年聯會副主席等職位。佢本身都同一眾青年人打成一片，好明白佢哋嘅諗法。就好似電競咁，佢都係想提供多一條出路畀有志投身電競事業嘅青年人，令佢哋可以一展所長。相信Alex一定會繼續發揮力量，推動中港各方良性互動。
卓妮