政情：今日你上鏡：施俊輝嫁妹 「唔好餓親佢」

教育局局長政治助理施俊輝（Jeff）尋日喺Facebook上載咗一條短片，原來係佢嫁妹。片段中見佢拖住細妹行出嚟交畀佢妹夫，仲千叮萬囑妹夫唔好淨係做「乒乓球達人」，要做「老公達人」，又叫佢「唔好畀阿妹食咁多，但都唔好餓親佢」，有問題要大家一齊解決咁話，仲祝佢哋早生貴子添！其實Jeff都已結咗婚有個女，唔知呢啲係咪佢嘅經驗之談呢？雖然佢嗰番說話搞到個妹眼濕濕，但妹妹就喺Fb留言：「Brother I love you」，果然兄妹情深。