政情:任建峰卸任 法政匯思換召集人

由五十多名律師、大律師同法律系學生組成的組織法政匯思,至今已成立三年,早前舉行周年大會,任建峰喺當晚正式卸任召集人同核心小組成員嘅職銜,同時,大律師吳宗鑾將接班,成為新任召集人。除吳宗鑾外,大律師蔡騏同事務律師文浩正同樣為法政匯思召集人。

吳宗鑾喺一五年先認可成為大律師,過去佢從事資訊科技界嘅工作,亦係民主動力嘅執委。另外,律師陳信忻同美國執業律師Jason Y. Ng亦喺當晚加入核心小組。

任繼續做普通成員

雖然任建峰卸任兩個重要職銜,但唔會退出組織,繼續做普通成員,參與每月聚會同將時間留畀家人。佢卸任前喺Facebook發布一篇畀法政匯思成員嘅公開訊息,透露喺三年前曾公開表明最多只會擔任召集人三年時間,但當時只有好少人相信佢,而佢一直堅守承諾。

第一手消息請下載on.cc東網iPhone/iPad/Android/Windows Phone Apps