港府最快喺本月底向立法會提交高鐵「一地兩檢」嘅草案，運輸及房屋局局長陳帆話由於草案與深圳灣口岸類似，按當年立法會審議深圳灣口岸草案嘅經驗，大概需時兩個半月，仲話希望立法會加快審議步伐添！雖然立法會修改咗議事規則，但陳帆以為就咁攬住高鐵衝關一定成功就計錯數嘞，事關有泛民議員已即時跳出嚟話兩個半月根本冇可能通過，加上泛民為咗拖垮方案無所不用其極，陳帆有排震呀！
