政情：陳有海跨區派飯撐老友
近年香港各區都多咗唔少善心人，為有需要人士提供愛心飯。早前見到屯門區議員陳有海跨區去深水埗派飯，唔通佢另有部署，想轉區發展？
希望屯門有同類活動
其實佢只係為支持認識多年嘅朋友，因為朋友間餃子店去深水埗區向區內長者派發餃子，佢認為活動有意義就專程去支持囉。佢仲講到希望屯門區將來可以有同類活動，幫助區內有需要嘅人，講笑話寄望呢位老朋友去屯門開分店添！
同陳有海認識多年嘅餃子店負責人劉勁豪就話一直堅持將三成收入用作支援長者工作，認為到社區派飯能夠帶畀長者關心同喜悅，亦提供一個社交機會，令佢哋多接觸社會同其他長者，因為長者喺得知即將有派飯已經感到興奮，而呢種喜悅仲可以維持一段時間至活動當日添！佢仲話派飯活動已進行幾年，而自己信念都堅定，直言開分店都係計劃之一。咁講法陳有海要把握機會，說服老友落戶屯門嘞！