俗稱「公民廣場」嘅政府總部東翼前地關閉超過三年多時間，直至上周重開，接受市民申請喺周日同公眾假期進行公眾集會同遊行，尋日由民陣主辦嘅元旦遊行率先為行政署帶來考驗，一批示威者輪流衝上升旗禮台，好在今次參與衝擊行動嘅示威者人數唔多，否則東翼前地隨時重開五日就重新被佔領。不過，示威者衝擊行動有得一次，就會有第二次，行政署長蔡潔如若然有危機意識，都要提早諗定應變方案喇！
