政情：有相為證：食得唔好嘥 伍威全執囡囡口水尾

伍威全（右一）前日同家人用膳，為免變大嘥鬼，佢將所有食物都食晒。（陳嘉順攝）

聖誕節留港「叉電」

前日約下午兩點，伍威全同家人現身中環歷山大廈用膳，未知係咪因為食物嘅分量太大嘅關係，囡囡就食唔晒喇，但伍威全就實行包底，將所有食物都食晒，真係一啲都唔浪費。而飯後佢哋一行人又去到隔籬嘅太子大廈繼續購物，仲喺一間賣朱古力嘅舖頭中逗留近廿分鐘，睇嚟揀得好認真喎。

• 買朱古力送畀朋友，伍威全（右二）好認真咁挑選款式。

伍威全就話朱古力係買嚟送畀朋友，而平日工作已經好攰，所以聖誕節就留港叉電，同朋友食吓飯就算數喇！而講到執囡囡口水尾一事，佢都直指分量太大，加上佢從事飲食業會特別珍惜食物，所以就將食物食晒唔造成浪費咁話，認真抵讚。