的哥謝九巴擋一擋 乘客冇咁傷
【本報訊】彌敦道鬧市空降巨型石屎，僅一人輕傷可謂萬幸。被擊中之姓應的士司機憶述事件指，他在上海街接載男乘客，沿彌敦道中線往尖沙咀方向行駛，當時一輛九巴在慢線並排同行。駛至彌敦大廈對開時，突然聽到「砰」一聲巨響，鄰線巴士即時停車，他亦隨即煞停的士，發現後座左邊整塊玻璃窗爆裂，連窗框亦被撞歪，經了解後得悉事件始末，應頻呼：「好彩有架巴士擋一擋咋，如果唔係佢（男乘客）仲傷呀！」
而受輕傷的姓許男乘客亦大呼幸運：「玻璃窗碎嗰下好似有嘢入眼咁，好彩無事……聽講嗰舊係石屎嚟，如果揼到人就瓜得o架喇！要還神喇！」另一方面，他認為有關部門應加強巡查舊區樓宇的外牆、招牌等，直言舊區樓宇日久失修，常出現墮石屎事故，「我行都唔想行啦，點知今次喺中線都賴嘢（中招）！」
事發時有開篷觀光巴經過
另外，據事發的彌敦大廈內一間髮型屋職員指，事發時他正在樓下餐廳用膳，當時目睹一輛開篷觀光巴士駛至，上層坐滿外籍遊客，幸九巴主動讓路予對方，不料觀光巴士甫駛離事發位置，即發生天降石屎事故，九巴替開篷觀光巴士擋了一劫，髮型屋職員指：「不幸中之大幸！好彩觀光巴士行先，如果唔係一定壓死人！」