新一份財政預算案將於明年二月出爐，正當大家都預計政府有過千億元盈餘，財政儲備過萬億元時，財政司司長陳茂波（波叔）尋日就話自己寢食難安喎。佢解釋話，因為依家樓價高企，阻住青年人發展，所以佢有咁嘅反應。其實如果政府有心搞好嘅話，辦法總比難題多，又使乜搞到食唔安、坐唔落呢？波叔與其呻苦，不如趁依家仲有時間，好好諗清楚點樣做好過喇！
