政情：今日你上鏡：雷禮權獻唱用心 糾正普通話發音

「九巴後人」雷禮權較早前出席一個慈善音樂會，期間獻唱普通話歌，聽落好似好簡單嘅一件事，其實事前做咗好多準備。早前喺中環街頭見到佢收工後趕住去練歌，佢笑言因為聽開台灣歌手周杰倫嘅歌曲，當正周杰倫係師傅，點知唔多唔少學咗對方嘅懶音，被朋友話佢發音唔太準，所以要急急練番正喎！雖然只係慈善演唱，估唔到佢都幾認真。